„Ég vil vinna alla leiki á heimavelli og við ætluðum svo sannarlega að gera það," sagði Sigurbjörn Hreiðarsson þjálfari Grindavíkur eftir 1 - 1 jafntefli við ÍBV í Lengjudeild karla í kvöld.
Lestu um leikinn: Grindavík 1 - 1 ÍBV
„Þetta var skemmtilegur leikur og hart tekist á. Mögulega var þetta sanngjörn niðurstaða, menn lögðu sig fram og geggjaðar aðstæður hérna. Það er bara gaman að komast í fótbolta aftur. Við erum nánast búnir að vera í sóttkví og búnir að spila einn leik á 16 dögum í þessu árferði sem er mjög athyglisvart. Ég var ánægður að komast inn á völlinn aftur."
Grindavík hefur ekki leikið í 16 daga eins og Bjössi sagði en leik liðsins gegn Keflavík sem fara átti fram í síðustu viku því Rúnar Þór Sigurgeirsson leikmaður Keflavíkur var valinn í hóp U21 landsliðsins sem vann Svía á föstudaginn.
„Þetta er bara galið, við erum í september og bíðum í 16 daga því það er hörkuleikmaður reyndar, í landsliðshóp. Hvaða grín er þetta? Svo þarftu 5 menn í sóttkví til að fresta leik. Ég hefði viljað vera í rhythma hérna og spila fleiri leiki," sagði hann en finnst honum ósanngjarnt að leikjum sé frestað því menn eru í landsliðsverkefnum?
„Ef landsleikurinn er daginn eða eitthvað, fjandakornið, þetta er einn maður og ég hefði viljað spila þennan leik. Það þarf að halda þessum rhythma gangandi."
Nánar er rætt við Bjössa í sjónvarpinu að ofan.
Athugasemdir