„Bikarleikurinn í byrjun sumars fór eins og hann fór en svo mættum við til eyja með hörkuleik. Við vorum yfir líka í honum og þeir jöfnuðu," sagði Guðmundur Magnússon framherji Grindavíkur eftir 1 - 1 jafntefli gegn ÍBV í Lengjudeild karla í kvöld en ÍBV hafði unnið bikarleik liðanna í Grindavík í maí 1 - 5. Síðan þá gerðu liðin 1 - 1 jafntefli í deildarleik í eyjum og aftur í kvöld.

Lestu um leikinn: Grindavík 1 -  1 ÍBV

„Þetta var bara stál í stál, Glenn klúðraði dauðafæri, ég klúðraði dauðafæri. Menn voru kannski að búast við opnum leik en eyjamenn voru að tapa fyrsta leiknum í sumar og falla því eðlilega aðeins niður og beita skyndisóknum. Þetta var samt hörkuleikur."

Það fyrsta sem Gummi sagði þegar ég ræddi við hann var að rifja upp bikarleikinn í maí. En er hann ennþá svona ofarlega í huga?

„Hann sigur helvíti lengi í manni. Það var bara liðin ein mínúta af sumrinu og staðan orðin 1-0, svo 2-0. Þetta er aftast í kollinum en leikurinn var samt í maí. Þú mótiverar þig alltaf á svona leikjum."

Nánar er rætt við Gumma í sjónvarpinu hér að ofan. Þegar hann var spurður hvort hann hafi ekki verið sáttur með leikinn sagði hann.

„Ég myndi vilja klára færin mín. Fólk getur blótað mér uppi í stúku en ég blóta mér mest sjálfur," sagði hann en er hann að heyra fólk blóta sér í stúkunni?

„Nei, en ég veit hvernig er að vera stuðningsmaður og menn eru að klúðra. Eg mæti bara á næstu æfingu og fer að skjóta á markið og reyna að bjarga þessu."

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit