Mótanefnd KSÍ hefur ákveðið nýja leikdaga fyrir leiki KR í Pepsi Max-deild kvenna sem frestuðust vegna sóttkvíar leikmanna KR.

Leikur ÍBV og KR í lokaumferðinni fer ekki fram laugardaginn 17. október eins og aðrir leikir í deildinni ef núverandi plan heldur sér.

ÍBV og Fram mætast í lokaumferð Lengjudeildar karla laugardaginn 17. október og því getur ÍBV ekki tekið á móti KR í Pepsi Max-deild kvenna þann dag. Sá leikur er núna skráður á sunnudaginn 18. október.

KR er í mikilli fallbaráttu og því er ekki ólíklegt að einhverjir fleiri leikir verði færðir á sunnudaginn ef að leikurinn í Eyjum hefur mikla þýðingu í fallbaráttunni.