"Við þurftum að taka það á okkur að verjast og vera lítið með boltann svo tókum við yfir leikinn með boltann þannig ég held að þetta hafi bara verið tvö góð lið að spila og hörku leikur til þess að „process-a" fyrir strákana" Sagði Davíð Snorri Jónasson þjálfari íslenska U-21 landsliðsins eftir 1-1 jafntefli gegn Grikklandi í dag.
Lestu um leikinn: Ísland U21 1 - 1 Grikkland U21
Hvernig var Gríska liðið að mati Davíðs?
"Við vissum að þetta væri gott lið og þeir settu okkur undir pressu og þeir voru að taka þessi hlaup sem við undirbjuggum okkur fyrir og markið þeirra kemur meðal annars úr því, en þetta er bara massívt lið og mér fannst þeir góðir sérstaklega til að byrja með og það tók okkur smá tíma að komast inn í leikinn"
"En hrós á okkur fyrir að komast í 1-0, óheppnir að fá á okkur mark rétt fyrir hálfleik en seinni hálfleikurinn var bara mjög flottur hjá okkur og við vorum með kassann úti og sýndum hugrekki"
Íslenska liðið spilaði í 5-3-2 kerfi í dag, hvernig fannst Davíð það virka?
"Mér fannst það virka vel, þótt þeir hefðu verið með boltann á köflum og sett hann aftur fyrir okkur þá vissum við að þetta voru stöður sem geta komið upp, síðan fannst mér við gera vel við boltann í kerfinu og nýta þau svæði sem kerfið bíður upp á"
1-1 sanngjörn niðurstaða?
"Ég vildi auðvitað þrjú stig en þetta var smá bara þeir betri á einhverjum kafla, við betri á einhverjum kafla, ef við hefðum spilað aðeins lengur þá hefðum við unnið en hugsanlega sanngjarnt á þessum tímapunkti"
Viðtalið má sjá í heild sinni hér fyrir ofan.
Athugasemdir