Víkingur kann vel við sig á Kópavogsvelli.
Cold Friðleifur.
Víkingur R. 2 - 0 FK Borac
1-0 Nikolaj Hansen (f) ('17 )
2-0 Karl Friðleifur Gunnarsson ('23 )
Lestu um leikinn
1-0 Nikolaj Hansen (f) ('17 )
2-0 Karl Friðleifur Gunnarsson ('23 )
Lestu um leikinn
Lestu um leikinn: Víkingur R. 2 - 0 FK Borac
Frammistaða Víkings í Sambandsdeildinni hefur verið til mikils sóma en liðið vann Borac Banja Luka frá Bosníu á Kópavogsvelli í dag. Annar sigur Víkings sem er því með sex stig.
Víkingur er eitt af tíu liðum sem hafa fengið sex stig í deildinni, þar á meðal eru einnig Chelsea og Fiorentina. Hin liðin eiga þó vissulega leik til góða á Víking í kvöld, en að geta skrifað þessa fyrirsögn var of gott tækifæri til að sleppa því!
Víkingur er komið nær markmiði sínu að fara í umspilið um sæti í 16-liða úrslitum Sambandsdeildarinnar. Til þess að það náist þarf Víkingur að vera í 9.- 24. sæti í deildinni að loknum öllum sex umferðunum. Þá gefa sigrarnir einnig dágóða summu í kassann og færir Íslandi mikilvæg stig á styrkleikalistanum.
Víkingur lagði grunninn að sigrinum í dag með verulega öflugri frammistöðu í fyrri hálfleik. Karl Friðleifur Gunnarsson fór með himinskautum, átti stoðsendingu á Nikolaj Hansen og skoraði síðan sjálfur. Víkingur mun betra liðið og staðan 2-0 í hálfleik.
Ekkert var skorað í seinni hálfleik og 2-0 sigur Víkings staðreynd. Mörkin tvö er hægt að sjá hér að neðan.
Næsti leikur Víkings er gegn Noah í Armeníu þann 28. nóvember. Liðið tekur á móti Djurgarden 12. desember og leikur svo úti gegn austurríska liðinu LASK viku síðar.
Byrjunarlið Víkings.
Karl Friðleifur skorar mark sitt.
Athugasemdir
