Margrét í leik síðasta sumar.
Margrét Árnadóttir, leikmaður Þórs/KA í Bestu deild kvenna, er gengin í raðir Parma á Ítalíu.
Margrét, sem er fædd árið 1999, er með lausan samning og ætlaði hún að skoða möguleika erlendis í vetur og nú hefur það orðið að veruleika.
Hún spilaði sautján leiki með Þór/KA í Bestu deildinni síðasta sumar þar sem hún skoraði sex mörk. Liðið hafnaði í sjöunda sæti deildarinnar.
Margrét er uppalin hjá KA og hefur spilað með Þór/KA allan sinn meistarflokksferil en hún á að baki alls 132 leiki og 34 mörk.
Athugasemdir
