Lengjubikarinn: Grindavík sótti jafntefli á Hlíðarenda

Valur og Grindavík gerðu markalaust jafntefli í lokaleik dagsins í A-deild Lengjubikarsins.

Valur var með fullt hús stiga fyrir umferðina, með 12 stig úr fjórum leikjum, á meðan Grindvíkingar voru stigalausir eftir þrjá tapleiki.

Gestirnir úr Grindavík gerðu því vel að halda út og gera jafntefli á erfiðum útivelli. Þeir sóttu um leið sitt fyrsta stig og urðu fyrsta liðið í keppninni til að stöðva sigurgöngu Vals.

Þetta stig nægir þó fyrir Val til að enda á toppi riðilsins, einu stigi fyrir ofan KR sem endar í öðru sæti.