Raheem Sterling skoraði í 2-0 sigri Chelsea gegn Borussia Dortmund í gærkvöldi og var það hans 27. mark í Meistaradeild Evrópu.
Hinn 28 ára gamli Sterling er þar með aðeins þremur mörkum frá markameti Wayne Rooney sem gerði 30 meistaradeildarmörk á ferlinum.
Sterling er kominn með þrjú mörk og eina stoðsendingu í sjö meistaradeildarleikjum á tímabilinu en hann hefur aldrei unnið keppnina.
Kantmaðurinn knái hefur leikið með Liverpool, Manchester City og Chelsea á ferlinum og er einnig með 20 mörk í 82 landsleikjum fyrir enska landsliðið. Hann hefur unnið allar keppnir á Englandi með Man City en ekki tekist að hampa neinum öðrum titli, þrátt fyrir að komast í úrslitaleik bæði í Meistaradeildinni og á EM.
Wayne Rooney - 30
Raheem Sterling - 27
Paul Scholes - 24
Frank Lampard - 23
Harry Kane - 21
Steven Gerrard - 21
