Íslenski landsliðsmaðurinn Hörður Björgvin Magnússon er mættur aftur til æfinga hjá rússneska félaginu CSKA Moskvu en hann hefur ekkert spilað síðan í apríl.
Hörður sleit hásin í leik gegn Tambov í apríl og þurfi í kjölfarið að fara í aðgerð.
Hann hefur verið í endurhæfingu síðustu mánuði og byrjaði að æfa með bolta í síðasta mánuði en snéri aftur til æfinga með liðinu á dögunum.
CSKA leikur síðasta leik sinn í deildinni fyrir vetrarfrí á laugardag en það þykir afar ólíklegt að hann verði í leikmannahópnum.
Liðið mun fara í æfingabúðir á Spáni í janúar og spila nokkra æfingaleiki áður en tímabilið hefst aftur í febrúar.
Sjá einnig:
Byrjar að æfa með CSKA í lok nóvember - „Erfitt en lærdómsríkt ferli"
Athugasemdir