Borussia Dortmund er að íhuga tilboð í sóknarmanninn Jordan Larsson sem spilar með Spartak Moskvu.
Það er Goal.com sem greinir frá þessu en Larsson er sonur goðsagnarinnar Henrik Larsson sem lék á meðal annars með Barcelona á ferlinum.
Spartak borgaði fjórar milljónir punda fyrir Larsson árið 2019 en hann spilaði þá með Norrkoping í Svíþjóð.
Larsson er 23 ára gamall og hefur skorað 12 mörk í 23 leikjum fyrir Spartak á þessu tímabili.
Larsson á að baki fimm landsleiki fyrir Svíþjóð en hann getur bæði leyst stöðu framherja og vængmanns.
Erling Haaland er fremsti maður hjá Dortmund í dag en hvort að hann verði hjá félaginu á næstu leiktíð er óvíst.
Athugasemdir
