Haukur Páll Sigurðsson, fyrirliði Vals, var rétt í þessu rekinn af velli í leik FH og Vals sem er í gangi í Kaplakrika. Það sauð upp úr í Hafnarfirðinum en það er deilt um hvort þetta hafi verið réttur dómur eða ekki.
Valsmenn fengu aukaspyrnu á 24. mínútu leiksins. Haukur var í þann mund að undirbúa aukaspyrnuna er Jónatan Ingi Jónsson potar boltanum í burtu og um leið sparkar Haukur af miklum krafti í Jónatan.
Helgi Mikael Jónsson, dómari leiksins, rak Hauk útaf og sauð allt upp úr í kjölfarið. Pétur Viðarsson, leikmaður FH, var heppinn að fá ekki refsingu í öllum æsingnum.
„ÞAÐ ER ALLT AÐ SJÓÐA UPP ÚR!!!!
Aukaspyrna við varamannabekkina, Jónatan Ingi fer fyrir boltann, Haukur Páll ætlar að fara lúðra boltanum fram en á sama tíma potar Jónatan boltanum í burtu og Haukur Páll dúndrar í sköflunginn á Jónatani og allt gjörsamlega tryllist við varamannabekkina!!!! Haukur fær réttilega rautt spjald.
Helgi Mikael eeeelskar sviðsljósið!!!" skrifar Arnar Laufdal Arnarsson, fréttaritari Fótbolta.net, í textalýsingu. Atvikið hefur veirð rætt mikið á Twitter en skiptar skoðanir eru hvort þetta hafi verið rautt spjald eða ekki.
Staðan í leiknum er 1-0 fyrir FH í hálfleik en Ágúst Eðvald Hlynsson gerði mark FH-inga.
Lestu textalýsinguna hér
Útaf Haukur lætur sig ekki detta.
— Aron Jóhannsson (@aronjo20) May 9, 2021
Fáránlegt að sleppa spjaldi á Pétur
— Ótthar Edvardsson (@OttharE) May 9, 2021
Uff, er þetta rautt? #fhvalur
— Aron Jóhannsson (@aronjo20) May 9, 2021
Athugasemdir