„Já ég er bara nokkuð sáttur við stigið, erfiður völlur að koma á og fyrsti leikur okkar á grasi í sumar minni mig og bara gott að fá stig. Við komum til baka eftir að hafa lent undir þegar lítið er eftir af leiknum," sagði Brynjar Björn þjálfari HK eftir 2-2 jafntefli gegn Þór í hörkuleik á Akureyri.
Lestu um leikinn: Þór 2 - 2 HK
HK náði ekki miklu spili í dag.
„Spilamennskan hefur verið betri, ég get alveg viðurkennt það. Hvort sem það var grasið eða eitthvað sem vafðist fyrir okkur en við náðum litlu spili á milli okkar. Þetta var ekki alveg okkar dagur."
Viktor Bjarki og Kári fóru báðir meiddir út af í dag.
„Viktor Bjarki var pínu tæpur fyrir leik, við tókum smá séns. Hann byrjaði leikinn og við vorum svona smá undirbúnir fyrir það að hann myndi mögulega koma út af snemma. Kári fékk slink á hnéið og við fyrstu sýn er það ekkert alvarlegt, vonandi ekki meira en tveir dagar. Það er stutt í næsta leik."
HK er með 14 stig af 18 mögulegum eftir fyrstu 6. umferðirnar.
„Já ég nokkuð sáttur við stigasöfnunina. Hefðum mögulega geta verið með tveimur stigum fleira en svona á heildina litið mjög flott, góð stigasöfnun í fyrstu leikjunum. Við bara höldum áfram í næsta leik."
Næst leikur HK er toppslagur á móti ÍA á miðvikudaginn.
„Mér líst gríðarlega vel á leikinn, toppslagir eru bara frábærir og gaman að taka þátt í því. Við komum bara gíraðir í þann leik eflaust eins og skagamenn. Það verður bara stemmning."
Hægt er að horfa á viðtalið í heild í sjónvarpinu hér að ofan.
Athugasemdir
