Það ríkir gífurleg eftirvænting fyrir lokaleik fótboltatímabilsins, úrslitaleik Meistaradeildar Evrópu.
Þar eiga Englandsmeistarar Manchester City leik við ítölsku bikarmeistarana í Inter en það kemur á óvart að Inter sé komið alla leið í úrslitaleikinn í ár.
Man City hefur staðið sig ógnvænlega vel á tímabilinu og getur unnið sögulega þrennu með sigri gegn Inter á laugardaginn. Það yrði fyrsti Meistaradeildartitill í sögu félagsins.
Inter vann síðast Meistaradeildina undir stjórn Jose Mourinho 2010. Man City hefur aðeins einu sinni komist í úrslitaleikinn er liðið tapaði fyrir Chelsea 2021. City hefur komist í undanúrslit Meistaradeildarinnar síðustu þrjú ár í röð.
Erling Haaland er markahæsti leikmaður Meistaradeildarinnar með 12 mörk og kemur Mohamed Salah í öðru sæti með átta mörk.
Laugardagur:
19:00 Man City - Inter (Stöð 2 Sport 2)
