Hlín Eiríks: Kíktum í balletkennslu í gær í staðinn fyrir æfingu
Steini: Hún er bara orðin gömul og þreytt
Thelma Karen: Gærdagurinn eitt mesta bull sem ég hef lent í á ævinni
Emilía Kiær: Geggjaður bónus að geta fengið sitt fyrsta landsliðsmark
Birnir Snær: Það er alvöru framleiðsla í Garðabænum
Sjáðu það helsta úr ítalska: Napoli fór á toppinn og Albert skoraði
Sjáðu það helsta úr spænska: Real Madrid vann El Clasico
Ragnar Bragi: Sýnir að klúbbnum sé alvara
Heimir setur titlasöfnun til hliðar: Núna er að búa til eitthvað
Jökull: Endar ekki í efstu þremur nema hafa unnið fyrir því
Örvar tvöfaldaði markafjölda sinn: Ég var óheppinn þá
Höskuldur: Hefur verið geðshræringavika
Ólafur Ingi: Eins og þú sérð þá er þetta frábært lið
Pablo Punyed um framtíðina: Það kemur í ljós
Matti Villa: Geggjaður endir á frábæru tímabili og mínum ferli
Sölvi um Pablo og Matta Villa: Þetta eru algjörir sigurvegarar
Túfa um Val: Miðað við allt sem ég er búinn að gera á ég þetta ekki skilið
Aron Sig stendur við ummæli sín: Sjá allir að við erum að fara taka yfir
Elmar Atli sár og svekktur: Að taka þessa ákvörðun í þessari stöðu er óskiljanlegt
Var afskaplega drjúgur fyrir KR í úrslitaleikjunum
banner
   fim 09. október 2025 22:51
Jóhann Þór Hólmgrímsson
„Veit ekki hvort maður eigi að kalla það frétt eða ábendingu um slúður"
Kvenaboltinn
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Þór/KA gerði jafntefli gegn Fram í lokaumferð Bestu deildar kvenna´i kvöld. Þetta var fyrsta jafntefli liðsins í sumar. Fótbolti.net ræddi við Jóhann Kristinn Gunnarsson, þjálfara Þórs/KA, eftir leikinn.

„Ég hefði viljað vinna leikinn en kannski áttum við það ekkert skilið. Þessi leikur bar þess kannski merki að það var ekki alltof mikið undir. Það var aðeins bardagi í þessu og menn voru að reyna en klaufalegt og einbeitingaleysi. Ég sagði við stelpurnar að ég var ánægður með að eiga slæman fyrri hálfleik og koma sterkar til baka, sýna karakter og hefðum átt að stela þessu í restina."

Lestu um leikinn: Þór/KA 1 -  1 Fram

Þór/KA fékk ótrúlegt færi í blálokin þar sem liðið átti nokkur skot að marki en kom boltanum ekki í netið.

„Ég nefndi það við þær inn í klefa að mér finnst að þessar sekúndur í restina inn i teignum þeirra hafa súmmerað upp tímabilið hjá okkur. Þegar svona vantar upp á þurfa menn að nota pásuna sem er framundan og kafa djúpt og finna hvað það er sem þarf að bæta, bæði félag og leikmenn."

Þór/KA hefur verið í efri hlutanum síðustu tvö tímabil undir stjórn Jóhanns. Þetta tímabil var því mikil vonbrigði.

„Hundóánægður með tímabilið, Þór/KA er að berjast í einhverju sem á ekki að vera berjast í. Ég ætla taka það á mig að við fórum aðra leið en önnur lið, við syntum á móti straumnum í þessari deild. Á meðan önnur lið fóru í þekkta formúlu sem kostar mikið, að styrkja sig, þá ná þau árangri. Þau sýna það hvort sem það er að halda sér í deildinni eða raða sér í efstu sætin. Þú uppskerð það sem þú sáir í þessu," sagði Jóhann Kristinn.

„Það er eitthvað sem ég þykist vita að er framundan hér. Það þarf að taka þátt í leiknum á öllum sviðum innan og utan vallar. Stelpurnar sem spiluðu hjá okkur í sumar fannst mér standa sig eins og hetjur. Það vantaði alltaf aðeins upp á, stundum eru það gæði og hæfileikar en stundum er það líka aðeins meiri trú á það sem er að gerast í kringum sig. Ég veit að hún verður meiri næst þegar þær koma til leiks."

Það er mikil óvissa með framtíð Jóhanns Kristins hjá Þór/KA en hann var orðaður Þrótt í dag.

„Mér líður mjög vel hjá Þór/KA, þetta er mitt félag, ég dýrka stelpurnar og alla sem eru að vinna með mér í þessu. Ég var bara búinn að lofa því að klára þetta tímabil með virðingu fyrir okkur, mótinu og andstæðingum okkar. Nú förum við og fáum okkur eina kleinu og ræðum málin," sagði Jóhann Kristinn.

„Ég er með vinsæla ábendingu til ykkar. Ég veit að það er hart í ári þar sem það er landsleikjahlé. Ég trúi því að það sé erfitt að koma fyrir, ég veit ekki hvort maður eigi að kalla það frétt eða ábendingu um slúður á .net eins og kom í morgun um að ég væri mögulega að fara í Þrótt. Ég skora á ykkur að finna tíma á morgun, um helgina eða í næstu viku þegar enginn enski og íslenski er og athuga hvort þið getið ekki skotið þessari frétt inn þá í staðin fyrir á leikdegi hjá okkur."
Athugasemdir
banner
banner