„Það var djöfulli skemmtilegt að spila í bakverðinum, það er alltaf gaman að spila fyrir íslenska landsliðið. Ég er ekki með mikla reynslu í þessari stöðu en fannst ég leysa hana ágætlega. Það er fínt að vera með fjölhæfni," segir Hjörtur.

Hver er mesti munurinn á því að spila sem miðvörður eða sem bakvörður?

„Ætli það séu ekki öll hlaupin. Maður er ekki vanur þeim en ég er ungur og í fínu formi, svo það er ekki vandamál. Ég er ekki mest sóknarþenkjandi bakvörður í heimi. Ég reyni að sinna varnarskyldunni og styðja við strákana þarna frammi."

Þetta er annað landsliðsverkefni Hjartar með Diego Johannessyni. Diego kann ekkert í íslensku en er að læra ensku.

„Þetta er algjör toppnáungi. Við vorum herbergisfélagar í Los Angeles á síðasta ári. Hann hefur bætt sig þvílíkt í ensku síðan þá. Ég talaði bara við hann á táknmáli þá. Hann er að læra og er að komast betur inn í hópinn. Hann er bara flottur karakter," segir Hjörtur en Fótbolti.net ræddi við hann á æfingu í Doha í morgun.