Reykjavíkurmótið: Fylkir sigraði Fram

Fram og Fylkir áttust við í Reykjavíkurmóti karla í kvöld og höfðu Árbæingar, sem féllu úr Bestu deildinni í fyrra, betur í þessum Reykjavíkurslag.

Liðin mættust í fyrstu umferð í B-riðli Reykjavíkurmótsins sem inniheldur einnig Þrótt R. og stórveldi Vals.

Fylkir vann slaginn 3-1 á Lambhagavellinum í kvöld. Fram byrjaði vel en Fylkismenn voru betri megnið af leiknum.

Kennie Knak Chopart skoraði eina mark Framara í tapinu en mörk Fylkis skoruðu Guðmundur Tyrfingsson, Ragnar Bragi Sveinsson og Þórður Ingi Ingimundarson.