Paratici fékk bannið vegna afskipta sinna af fjármálabraski hjá ítalska félaginu Juventus. Félagið var sakað um alvarleg fjársvik.

Juventus er núna að áfrýja dómnum en Paratici gæti farið í bann frá heimsfótboltanum ef félagið tapar þeirri áfrýjun.

Ef hann fer í þannig bann þá fær hann ekki að starfa hjá Tottenham en hann er núna þar í starfi yfirmanns fótboltamála. Hann er yfirmaður Grétars Rafns Steinssonar, fyrrum landsliðsmanns Íslands. Grétar er 'Performance Director' hjá Tottenham og vinnur náið með Paratici.

Samkvæmt Mirror er Spurs að skoða það að ráða Rui Pedro Braz, sem starfar núna fyrir Benfica í Portúgal, ef Paratici fer í bann en það er óvíst hvort það muni hafa áhrif á starf Grétars ef það gerist.