Gregg Ryder, þjálfari Þróttar.
„Þetta gengur vel og er á réttri leið," segir Gregg Ryder, þjálfari Þróttar. Þessi ungi Englendingur var í viðtali í útvarpsþættinum Fótbolti.net á laugardaginn.
Hann var ráðinn aðalþjálfari Þróttar síðasta haust eftir að hafa verið í þjálfarateymi ÍBV í fyrra. Hann segir að fjölbreytnin hafi ráðið ríkjum á undirbúningstímabilinu.
Hann var ráðinn aðalþjálfari Þróttar síðasta haust eftir að hafa verið í þjálfarateymi ÍBV í fyrra. Hann segir að fjölbreytnin hafi ráðið ríkjum á undirbúningstímabilinu.
„Við höfum prófað ýmislegt. Hlaupaþjálfari hefur farið yfir hlaupastílinn, við höfum prófað hnefaleika og farið í jóga vikulega. Þetta hefur verið öðruvísi fyrir strákana en þeir njóta þess. Þjálfarinn sem hefur verið með okkur í hnefaleikunum hefur þjálfað Gunnar Nelson," segir Ryder.
Hann segist ætla að bæta við 3-4 leikmönnum áður en tímabilið hefst.
„Þegar ég tók við liðinu vissi ég ekki hvort það þyrfti að styrkja liðið en ég býst við að leikmannahópurinn verði klár bráðlega. Þessir menn sem þegar hafa komið hafa staðið sig vel og ég er ánægður með þá."
Hægt er að hlusta á viðtalið í spilaranum hér að ofan en þar talar hann meðal annars um það hvernig er að vera þjálfari sem er yngri en hluti af leikmönnum liðsins.
Athugasemdir
