Íslenski landsliðsmaðurinn Ari Freyr Skúlason lagði upp fyrra mark Norrköping í 2-0 sigri liðsins á AIK í sænsku úrvalsdeildinni í kvöld.
Samuel Adegbenro gerði bæði mörk Norrköping í leiknum en hann skoraði fyrra markið á 62. mínútu eftir sendingu frá Ara Frey en íslenski varnarmaðurinn var búinn að vera inná vellinum í tvær mínútur áður en hann lagði upp markið.
Hann gerði svo seinna markið á 86. mínútu en þetta var þriðji sigur liðsins í deildinni.
Liðið er í 2. sæti með 10 stig en aðeins Djurgården er með fleiri stig eða 12 talsins.
Ísak Bergmann Jóhannesson lék allan leikinn fyrir Norrköping.
Athugasemdir