Óvíst er hvort að viðureign Fylkis og Tindastóls fari fram á morgun sökum fjölda smita á Sauðárkróki undanfarn daga.
Óskar Smári Haraldsson, annar af þjálfurum kvennaliðs Tindastóls, var til viðtals í hlaðvarpsþættinum Boltinn á Norðurlandi í gær.
Þeir Aksentije Milisic og Sæbjörn Steinke ræddu við Óskar um ástandið á Sauðárkróki. Hópsmit kom upp á dögunum og eru harðar sóttvarnarreglur í gildi á Króknum. Leik Tindastóls og KFG var frestað í 3. deild karla í gær. Meistaraflokkur kvenna á samkvæmt leikjadagskrá að mæta Fylki í Pepsi Max-deild kvenna á morgun.
Óskar Smári Haraldsson, annar af þjálfurum kvennaliðs Tindastóls, var til viðtals í hlaðvarpsþættinum Boltinn á Norðurlandi í gær.
Þeir Aksentije Milisic og Sæbjörn Steinke ræddu við Óskar um ástandið á Sauðárkróki. Hópsmit kom upp á dögunum og eru harðar sóttvarnarreglur í gildi á Króknum. Leik Tindastóls og KFG var frestað í 3. deild karla í gær. Meistaraflokkur kvenna á samkvæmt leikjadagskrá að mæta Fylki í Pepsi Max-deild kvenna á morgun.
„Staðan hefur verið betri, meistaraflokkar karla og kvenna hafa farið í skimun og beðið er eftir niðurstöðum. Það eru einhver smit í samfélaginu," sagði Óskar í gær.
Niðurstöður úr skimunum eru komnar og greindsist enginn jákvæður hjá meistaraflokkunum.
„Æfingar hjá meistaraflokkunum mega fara fram en allt annað er sett til hliðar. Ef ég á að vera hreinskilinn þá efast ég um að leikurinn fari fram á þriðjudaginn," sagði Óskar Smári í gær.
Fótbolti.net hafði samband við Óskar aftur í dag. Þrátt fyrir að enginn leikmaður hafi greinst jákvæður þá eru fleiri smit að greinast á Sauðárkróki og Tindstóll vinnur í því að fá leiknum gegn Fylki frestað öryggisins vegna.
Viðtalið við Óskar Smára hefst eftir 62 mínútur í spilaranum að neðan.
Óskar ræddi um fyrsta leikinn í Pepsi Max, hvernig það kom til að Pape Mamadou Faye samdi við Tindastól og ýmislegt fleira.
Athugasemdir