Sveindís Jane Jónsdóttir.
Þjálfari norska landsliðsins segir alla þá sem spila við Ísland undirbúa sig fyrir það að mæta Sveindísi Jane Jónsdóttur.
Sveindís hefur ekki alveg fundið sig á Evrópumótinu í Sviss en er samt sem áður gríðarlega hættulegur leikmaður sem spilar mikilvægt hlutverk fyrir Ísland.
Sveindís hefur ekki alveg fundið sig á Evrópumótinu í Sviss en er samt sem áður gríðarlega hættulegur leikmaður sem spilar mikilvægt hlutverk fyrir Ísland.
Hún býr yfir hraða sem ekki margir aðrir leikmenn búa yfir.
„Annar leikmaður til að minnast á er (Sveindís Jane) Jónsdóttir," sagði Gemma Grainger, þjálfari Noregs, á fréttamannafundi í gær eftir að Tuva Hansen, varnarmaður norska liðsins, hafði talað afar vel um Glódísi Perlu Viggósdóttur, landsliðsfyrirliða.
„Öll lið sem eru að undirbúa sig fyrir að mæta Íslandi þurfa að vera meðvituð um hana."
„Við höfum spilað við þær tvisvar fyrir stuttu og þekkjum þær vel. Þær eru mjög gott lið með mjög góða einstaklinga," sagði Grainger jafnframt.
Leikur Íslands og Noregs fer fram klukkan 19:00 í kvöld.
Athugasemdir
