Aron Jóhannsson var á skotskónum fyrir Hammarby þegar liðið burstaði Gautaborg á útivelli.
Aron kom Hammarby á bragðið í fyrri hálfleik og var staðan 1-0 að honum loknum. Í seinni hálfleiknum skoraði Muamer Tankovic þrennu og lokatölur 4-0.
Hammarby er í sjöunda sæti sænsku úrvalsdeildarinnar með 28 stig eftir 19 leiki.
Ísak Bergmann Jóhannesson lagði upp mark fyrir Norrköping í 2-2 jafntefli við Östersund. Hinn 17 ára gamli Ísak hefur átt frábært tímabil fyrir Norrköping sem er í fimmta sæti með 29 stig.
Arnór Ingvi Traustason var ekki í leikmannahópi Malmö sem tapaði 3-2 fyrir Örebro. Malmö er á toppnum með 39 stig.
Patrik á bekknum í fyrsta leik
U21 landsliðsmarkvörðurinn Patrik Sigurður Gunnarsson gekk á dögunum í raðir Viborg á láni frá Brentford á Englandi. Viborg er í dönsku 1. deildinni og hóf í dag nýtt tímabil með 1-1 jafntefli við Hobro. Patrik var á bekknum en markvörður Viborg gerði stór mistök í leiknum.
Booooom Aron Johannsson (@aronjo20) ⚽️⭐️👌🏻 https://t.co/xxJEv2L7lJ
— Magnus Agnar Magnusson (@totalfl) September 10, 2020
Athugasemdir