Hinn sautján ára gamli Eggert Aron Guðmundsson hefur skrifað undir nýjan samning við Stjörnuna. Þessi efnilegi leikmaður, sem verður átján ára í febrúar, æfði í vetur og spilaði æfingaleiki með U19 liði FC Kaupmannahafnar.
Nýr samningur Eggert við Stjörnuna gildir út tímabilið 2024.
Nýr samningur Eggert við Stjörnuna gildir út tímabilið 2024.
„Eggert átti frábæra spretti með liðinu í sumar og verður klárlega spennandi að fylgjast með honum vaxa sem leikmanni núna í ár," segir í tilkynningu Stjörnunnar en Eggert lék fimmtán leiki og skoraði eitt mark í efstu deild á liðnu ári.
„Þetta eru gleðitíðindi og hvetjum við stuðningsfólk til þess að byrja að raula lögin fyrir komandi tímabil, enda er það handan við hornið og undirbúningurinn á fullri ferð! Við óskum Eggerti innilega til hamingju með nýjan samning! Eggert er maðurinn."
Stjarnan hafnaði í sjöunda sæti efstu deildar á síðasta tímabili.
Athugasemdir