Nýliðavalið í MLS deildinni í Bandaríkjunum fór fram í kvöld.
Einn Íslendingur var í valinu, Þorleifur Úlfarsson sóknarmaður sem vakti mikla athygli með Duke háskólanum í vetur.
Hann skoraði 15 mörk fyrir Duke og var valinn besti sóknarmaður ACC-deildarinnar.
Hann var valinn númer fjögur af Houston Dynamo. Liðið endaði í neðsta sæti vesturdeildarinnar á síðustu leiktíð og skoraði næst fæst mörk.
Sérfræðingarnir veltu fyrir sér hvað hann gæti komið með í lið Houston og það var einfaldlega bara „Mörk, mörk, mörk".
Hann var spurður hvort það yrði ekki erfitt fyrir Íslending að spila í hitanum í Bandaríkjunum.
„Það skiptir engu máli, ég mun gera mitt," sagði Þorleifur Úlfarsson.
Ben Bender var valinn númer eitt í MLS nýliðavalinu af Charlotte FC í kvöld. Bender lék með Maryland háskólanum en hann er miðjumaður og leikstíll hans hefur verið líkt við leikstíl Kevin De Bruyne.
Athugasemdir
