Smálið Marine hefur beðist afsökunar á tísti sem vasr birt á Twitter-aðgang félagsins í gærkvöldi.
Marine er lið sem einhverjir eru farnir að kannast við eftir leik við Tottenham í bikarnum en liðin átust við í þriðju umferð.
Marine spilar í sjöundu efstu deild Englands og féll úr leik í þriðju umferð bikarsins eftir 5-0 tap heima gegn stórliði Tottenham.
Tottenham féll svo úr leik í gær eftir 5-4 tap gegn Everton þar sem Gylfi Þór Sigurðsson átti stórleik og lagði upp þrjú mörk ásamt því að skora eitt fyrir Everton.
Marine birti í kjölfarið færslu á Twitter með mynd af ofurhetjunum úr kvikmyndinni Avengers þar sem búið var að klippa andlit leikmanna Everton inn á myndina.
„Takk Everton," var skrifað í færslunni sem var svo eytt stuttu síðar. Marine segir að um mistök hafi verið að ræða og var ekki ætlunin að pirra stuðningsmenn Tottenham.
Margir stuðningsmenn Tottenham létu í sér heyra eftir þessa færslu sem fékk þó ekki að lifa lengi á samskiptamiðlinum.
1/2 - Last night a post was placed on our official account. This was a mistake and was in poor taste, but was not intended to upset the fans of @SpursOfficial. It was deleted almost immediately after being put up. We apologise for any upset this has caused.
— Marine Football Club (@MarineAFC) February 11, 2021
The bond we have built with Spurs fans is unparalleled and special and we at Marine intend to keep it that way - as such any complaints should be sent to CEO James Leary at [email protected]
— Marine Football Club (@MarineAFC) February 11, 2021
Athugasemdir