Fótbolti.net

FH aldrei verið í þessum sporum áður - „Vonandi verður Nik í stuði"

Donni skýtur á Útlendingastofnun: Fásinna og sorglegt að þetta strandi á ríkisstofnun

Óli Kristjáns: Með verri frammistöðum hjá Þróttaraliðinu í ár

Viktor Karl: Komum ferskir inn í seinni en það var eiginlega bara of seint

Dóri Árna: Við hefðum þurft að vera betri

Fyrirliðinn róar taugar stuðningsmanna - „Byrjunin frekar en toppurinn"

Alli Jói: Skilst að við hefðum átt að falla, enda í neðsta sæti og ekki vinna leik

Siggi Höskulds: Fannst við stúta þeim í 80 mínútur

Halli Hróðmars: Það var ákveðið andleysi

Haraldur Freyr: Sigurinn hefði getað endað stærri

Matti Guðmunds: Jordyn Rhodes komin í toppform og með sjálfstraust

Úlfa Dís: Prófa alltaf að skjóta þegar ég er með pláss

Jóhann Birnir: Þýðir ekkert fyrir okkur að horfa á töfluna

Venni: Við erum ekki það litlir að við þorum ekki að horfa á toppinn

Jordyn Rhodes: Fyrsta þrennan á ferlinum

Kom af bekknum og varð hetja Þróttara - „Erfitt fyrir Venna að velja"

Gunnar Heiðar: Við erum bara að fókusa á það sem við erum að gera

„Finnst í þessum undanförnum leikjum það vera auðveldara fyrir andstæðinginn að skora heldur en okkur"

Kalli um mark Úlfu Dísar: Eitthvað sturlað og ekki í fyrsta sinn sem ég sé þetta

Bjarni Jó: Meiri stíll yfir okkur

þri 11. júlí 2023 17:30

Sæbjörn Þór Þórbergsson Steinke

Aldursforsetinn ánægð með framtakið - „Vonandi peppar það kvennafótbolta yfir höfuð"

Ákveðinn skellur að vera elst

Við viljum hafa áhrif á yngri kynslóðina og vera fyrirmyndir fyrir þær

Mynd: Fótbolti.net - Hafliði Breiðfjörð

Stelpurnar eru geggjaðar og mér finnst alltaf gaman að koma hitta þær

Mynd: Fótbolti.net - Hafliði Breiðfjörð

Gunnhildur ræddi við fjölmiðla í dag.

Mynd: Fótbolti.net - Hafliði Breiðfjörð

„Leikurinn gegn Finnlandi leggst mjög vel í mig, mér finnst langt síðan við höfum komið saman og spilað. Það er gott að vera komnar saman og líka í þessu frábæra veðri líka," sagði Gunnhildur Yrsa Jónsdóttir fyrir landsliðsæfingu í dag.

Kvennalandsliðið spilar vináttulandsleik gegn Finnlandi á Laugardalsvelli á föstudagskvöld.

„Ég er búin að sakna sólarinnar þannig þetta er bara mjög fínt. Það eru mörg ný andlit í hópnum og gaman að fá þær inn, við söknum nokkurra reynslumikilla leikmanna, en það gefur öðrum tækifæri og það er gaman af því."

„Veðrið er frábært og þið vitið hvað Íslendingar gera í frábæru veðri, þá er farið í útilegu og sumarbústað. Ég veit að Símamótsstelpurnar ætla koma og það verður geggjað. Gaman að fá yngri kynslóðina á völlinn, maður vill hafa áhrif á þau. Þetta verður skemmtilegur leikur og ég mæli með að fólkið sem er í bænum kíki á völlinn."

Allir keppendur á Símamótinu fá frítt á leikinn á föstudag.

„Mér finnst það bara geggjað og vonandi peppar það kvennafótbolta yfir höfuð. Ég held það sé frábært líka fyrir okkur, við viljum hafa áhrif á yngri kynslóðina og vera fyrirmyndir fyrir þær. En svo gefa þær okkur líka ofboðslega mikið, orkan sem kemur frá ungdóminum er frábær."

Er leiknum á föstudag, sem er liður í síðasta undirbúningi fyrir Þjóðadeildina í haust, tekið mjög alvarlega?

„Þetta er æfingaleikur en þetta eru núna síðustu æfingaleikirnir fyrir stórmótið (Þjóðadeildina) sem hefur mikil áhrif á EM og því mjög mikilvægt. Ég held að við einbeitum okkur mest á okkur og okkar leik og hvernig við viljum spila. Þetta er svona síðasta prófið áður en við byrjum í Þjóðadeildinni."

Gunnhildur er aldursforsetinn í hópnum, 34 ára gömul og lék í apríl sinn 100. landsleik. Er alltaf jafn gaman að koma til móts við landsliðið?

„Auðvitað, annars væri ég ekki hérna," sagði Gunnhildur og brosti. „Þetta eru frábærar stelpur, núna í þessum hóp er ég elst. Það er ákveðinn skellur en, stelpurnar eru geggjaðar og mér finnst alltaf gaman að koma hitta þær."

Nánar var rætt við Gunnhildi í viðtalinu sem má sjá í spilaranum efst. Hún er þar spurð út í Stjörnuna, Bestu deildina og ýmislegt fleira.