Noah frá Armeníu spilar í umspili um sæti í deildakeppni Sambandsdeildarinnar eftir tap í vítaspyrnukeppni gegn Lincoln Red Imps frá Gíbraltar.
Guðmundur Þórarinsson kom inn á í framlengingunni og skoraði úr fjórðu vítaspyrnu Noah en það dugði ekki til. Noah mætir Olimpija Lublijana frá Slóveníu í úrslitaeinvígi um sæti í deildakeppni Sambandsdeildarinnar.
Guðmundur Þórarinsson kom inn á í framlengingunni og skoraði úr fjórðu vítaspyrnu Noah en það dugði ekki til. Noah mætir Olimpija Lublijana frá Slóveníu í úrslitaeinvígi um sæti í deildakeppni Sambandsdeildarinnar.
Sverrir Ingi Ingason sat allan tímann á bekknum þegar Panathinaikos frá Grikklandi vann Shakhtar Donetsk frá Úkraínu eftir vítaspyrnukeppni í forkeppni Evrópudeildarinnar.
Það verður Íslendingaslagur í úrslitaeinvíginu fyrir deildakeppnina því Panathinaikos mætir Samsunspor frá Tyrklandi. Logi Tómasson er leikmaður Samsunspor.
Kolbeinn Finnsson sat á bekknum þegar Utrecht frá Hollandi vann Servette frá Sviss 2-1, samanlagt 5-2. Utrecht mætir Zrinjski sem lagði Breiðablik í kvöld, um sæti í deildakeppni Evrópudeildarinnar.
Brann frá Noregi sló sænska liðið Hacken úr leik fyrr í kvöld 2-1 samanlagt en liðið tapaði í 1-0 kvöld. Sævar Atli Magnússon og Eggert Aron Guðmundsson eru leikmenn liðsins og Freyr Alexandersson þjálfari liðsins. Brann mætir AEK Larnaca frá Kýpur í einvígi um sæti í Evrópudeildinni.
FCSB frá Rúmeníu vann Drita frá Kósovó í kvöld og mætir Aberdeen frá Skotlandi í einvígi um sæti í Evrópudeildinni. Kjartan Már Kjartansson er leikmaður Aberdeen.
Polissya Zhytomyr frá Úkraínu vann Paks frá Ungverjalandi samanlagt 4-2 í forkeppni Sambandsdeildarinnar. Liðið mætir Alberti Guðmundssyni og félögum í Fiorentina í einvígi um sæti í deildakeppninni.
Allar viðureignirnar eru spilaðar 21. og 28. ágúst.
Athugasemdir
