Jóhann Berg Guðmundsson, leikmaður íslenska landsliðsins, var ósáttur við ummæli í lýsingu Vísis á landsleik Íslands og Albaníu í gærkvöldi.
Jóhann Berg er lykilmaður í landsliðinu en hann var ekki með gegn Moldóvum og Albaníu vegna meiðsla.
Íslenska liðið tapaði 4-2 fyrir Albönum í gær en Jóhann var ósáttur við ummæli sem voru látin falla í textalýsingu Vísis.
„Þessi frammistaða var ekki til þess að hvetja fólk í að mæta á Laugardalsvöll í næsta glugga. Fyrir utan fyrstu tuttugu mínúturnar eða svo í seinni hálfleik þá var ekki mikið að frétta og erfitt að segja annað en Ísland hafi átt skilið að tapa," var skrifað í lýsingu Vísis.
Jóhann Berg lýsti yfir vonbrigðum sínum en ummæli hans má sjá hér fyrir neðan.
„Þvílíka þvælu commentið hjá þessum ágætu frèttamönnum hjá Vísi eftir ein slæm úrslit. Rífa sig í gang takk!" sagði Jóhann Berg á Twitter.
Þvílíka þvælu commentið hjá þessum ágætu frèttamönnum hjá @visir_is eftir ein slæm úrslit. Rífa sig í gang takk! pic.twitter.com/8Wq7bw5HFH
— Johann B Gudmundsson (@Gudmundsson7) September 10, 2019
Athugasemdir