„Við komum hingað til að vinna. Við sýndum hversu góðir við erum í dag og ég er mjög ánægður með sigurinn," sagði Christian Eriksen, leikmaður danska landsliðsins, í viðtali við Henry Birgi Gunnarsson á Stöð 2 Sport eftir 3-0 sigur gegn Íslandi í Þjóðadeildinni í kvöld.

Danir komust yfir eftir hornspyrnu undir lok fyrri hálfleiks en markið er þó afar umdeilt þar sem boltinn virtist ekki fara inn.

„Ég myndi segja að boltinn hafi verið inni," sagði Eriksen og hló. „Það er erfitt að segja. Þetta er eitt af þeim atvikum þar sem þú þarft að hafa marklínutækni. Heppnin var með okkur og þetta breytti taktinum í leiknum."

Eriksen skoraði annað mark Dana í byrjun síðari hálfleiks en hann slapp einn í gegn eftir að Rúnar Már Sigurjónsson átti skot sem fór í Pierre-Emile Hojberg.

„Þetta var langt hlaup. Þetta var mjög góð stoðsending hjá Hojberg, hann vill fá hana. Ég fékk langan tíma til að ákveða hvar ég ætti að skjóta eftir þetta langa hlaup og sem betur fer tók ég góða ákvörðun."

Danmörk hefur aldrei áður tapað gegn Íslandi í A-landsleik. „Ég ætla heldur ekki að gera það í framtíðinni. Við viljum vinna alla leiki í framtíðinni líka. Við viljum vinna alla leiki gegn Íslandi og gegn öllum öðrum," sagði Eriksen að lokum í viðtali við Stöð 2 Sport.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit