Mark Noble hefur gefið í skyn að hann sé að fara leggja skóna á hilluna þegar tímabilinu lýkur.
Noble lék með West Ham gegn Manchester United í bikarnum í vikunni en liðið féll úr leik eftir 1-0 tap á Old Trafford.
Noble gaf það út í samtali við heimasíðu West Ham að þetta hafi mögulega verið í síðasta sinn sem hann spilar á vellinum.
„Ég verð 34 ára gamall í maí. Ég á ekki mikið eftir og ég mun njóta hverrar mínútu," sagði Noble.
„Að spila hér á Old Trafford í kannski síðasta skiptið því hvort ég spili hér á næsta ári vitum við ekki.."
„Ég er bara vonsvikinn fyrir hönd stuðningsmanna West Ham og strákarnir líka því þetta var góður fótboltaleikur. Við gáfum allt í verkefnið og áttum ekkert inni."
Noble hefur leikið með West Ham frá árinu 2004 og hefur spilað 452 deildarleiki á þessum 17 árum.
Athugasemdir