Virgil van Dijk og Alisson hressir og kátir.
Virgil van Dijk varnarmaður Liverpool var spurður út í framtíð sína eftir að liðið féll úr leik gegn PSG í Meistaradeildinni í gær. Hann segir ekkert til í þeim orðrómi að hann sé nálægt samkomulagi við Liverpool um nýjan samning.
„Hvar ég mun spila á næsta tímabili? Ég hef ekki hugmynd. Það er hreinlega þannig, ég veit ekkert. Ég held áfram að segja það sama, það eru tíu leikir eftir á tímabilinu og einbeiting mín er á þá. Ef það koma fréttir þá munið þið fá að vita það. Ég veit ekki neitt sjálfur," segir Van Dijk.
„Það hafa verið einhverjar samræður bak við tjöldin en þá er það upptalið. Ég veit ekki hvað gerist á næsta tímabili. Ef einhverjir þykjast vita hvað gerist þá eru þeir að ljúga."
Athugasemdir
