Róbert Frosti Þorkelsson skoraði eina mark leiksins er Stjarnan sló Þór úr leik í 8-liða úrslitum Mjólkurbikarsins í kvöld.
Lestu um leikinn: Þór 0 - 1 Stjarnan
Staðan var markalaus allt fram að 92. mínútu, þegar Róbert Frosti skoraði eftir afar slæm markmannsmistök Arons Birkis Stefánssonar sem hafði átt góðan leik fram að því.
Aroni Birki tókst ekki að eiga við nokkuð einfalda fyrirgjöf og sló hann boltann beint fyrir fætur Róberts Frosta sem gat ekki annað en skorað fyrir opnu marki.
Hér fyrir neðan má sjá allt það helsta úr sigri Garðbæinga á Akureyri. Markið er sýnt eftir 1 mínútu og 10 sekúndur af myndskeiðinu.
Stjarnan er komið í undanúrslit Mjólkurbikarsins en tæpt var það. Hér má sjá allt það helsta úr leiknum, til að mynda sigurmark Róberts Frosta í uppbótartíma! ???????? pic.twitter.com/yhEW4NonPo
— RÚV Íþróttir (@ruvithrottir) June 12, 2024
Athugasemdir