Lærisveinar Ágústs Gylfasonar í Gróttu máttu þola skell í dag á heimavelli, 0-4 fyrir Skagamönnum.  Öll mörk leiksins komu í fyrri hálfleik og þrjú á fyrstu 18 mínútunum.

"Við bara mættum ekki til leiks, þeir voru strax búnir að setja á okkur mark og svo annað og þá varð þetta erfitt."

Lestu um leikinn: Grótta 0 -  4 ÍA

"Við fórum yfir hlutina í hálfleik og ætluðum að halda hreinu allavega í seinni hálfleik og það gekk eftir en þú þarft að mæta til leiks til að eiga séns í Skagamenn"

Eru svona sveiflur milli leikja eins og hjá Gróttunni núna hluti af lærdómsferli nýliða í efstu deild?

"Ég veit það nú ekki, við tökum tvo fyrstu leikina sem lærdóm og svo sýndum við klærnar í næstu þrem.  Fyrri hálfleikurinn hér var bara ekki nógu góður. Það er ekki boðlegt að vera 0-4 undir í hálfleik"

Skotinn Kieran McGrath var ekki með í dag, eru meiðslin alvarleg?

"Nei, þetta eru léttvæg meiðsl og við reiknum með að hann verði kominn fljótlega inn"

Næsti leikur Gróttu er á Akureyri við KA.  Hvernig leggst hann i Gústa?

"Það er kærkomið að fá aðeins lengra frí, í fyrra væri þetta ekki langt frí en nú er það mikið.  Við ætlum að koma tilbúnir í næsta leik".

Nánar er rætt við Ágúst í viðtalinu sem fylgir.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit