Viktor Jónsson, sóknarmaður ÍA, sneri aftur eftir langa fjarveru er Skagaliðið tapaði stórt gegn FH í Bestu deildinni í gær.
Viktor hefur verið fjarri góðu gamni vegna meiðsla í allt sumar en sneri aftur í seinni hálfleiknum í gær.
Viktor hefur verið fjarri góðu gamni vegna meiðsla í allt sumar en sneri aftur í seinni hálfleiknum í gær.
Það eru svo sannarlega jákvæðar fréttir fyrir ÍA ef Viktor getur farið að beita sér aftur inn á fótboltavellinum.
„Hann er hægt og rólega að koma sér á fætur," sagði Jón Þór Hauksson, þjálfari ÍA, í samtali við Fótbolta.net eftir leikinn í Kaplakrika í gær.
„Vonandi gengur það áfram vel. Það hefur gengið vel hjá honum síðustu vikurnar og vonandi verður stígandi í því - að hann komist af stað aftur."
Viktor gerði þrjú mörk í fjórum leikjum í Lengjubikarnum áður en hann meiddist fyrir tímabil.
ÍA er sem stendur á botni Bestu deildarinnar, fjórum stigum frá öruggu sæti. Það eru margir úrslitaleikir framundan.
Athugasemdir