Eddie Howe þjálfari Newcastle hefur verið orðaður við landsliðsþjálfarastöðuna hjá enska landsliðinu en Telegraph segir hann ekki hafa áhuga sem stendur.
Howe líður vel hjá Newcastle og er ekki sagður hafa áhuga á að taka við neinu öðru starfi sem stendur.
Newcastle er í sjöunda sæti ensku úrvalsdeildarinnar, með 12 stig eftir 7 umferðir, og er markmiðið að ná Evrópusæti fyrir næstu leiktíð.
Graham Potter, Thomas Tuchel, Frank Lampard og Lee Carsley eru meðal þjálfara sem koma einnig til greina fyrir starfið.
Annars er það að frétta úr herbúðum Newcastle að bakvörðurinn Kieran Trippier verður frá keppni næstu vikurnar vegna meiðsla. Hann byrjaði í markalausu jafntefli gegn Everton um síðustu helgi en fór meiddur af velli eftir 70 mínútur.
Athugasemdir
