Tveimur síðustu leikjum kvöldsins er lokið í Meistaradeild kvenna, þar sem stórveldin FC Bayern og Manchester City unnu heimaleiki gegn andstæðingum frá Skandinavíu.
Glódís Perla Viggósdóttir var á sínum stað í hjarta varnarinnar hjá Bayern sem lagði Vålerenga að velli með tveimur mörkum gegn engu.
Pernille Harder og Giulia Gwinn skoruðu mörkin. Bayern sýndi mikla yfirburði og var sigur heimakvenna aldrei í hættu. Sædís Rún Heiðarsdóttir var í byrjunarliði Vålerenga.
Sarah Zadrazil skoraði þriðja mark Bayern í uppbótartíma og urðu lokatölur 3-0.
Manchester City stjórnaði þá ferðinni gegn Hammarby en tókst ekki að taka forystuna í fyrri hálfleik.
Það tók ekki langan tíma fyrir Laura Blindkilde að skora í upphafi síðari hálfleiks og stóð Man City að lokum sem sigurvegari, 2-0, eftir að Aoba Fujino innsiglaði sigurinn.
FC Bayern 3 - 0 Valerenga
1-0 Pernille Harder ('10)
2-0 Giulia Gwinn ('17, víti)
3-0 Sarah Zadrazil ('92)
Man City 2 - 0 Hammarby
1-0 Laura Blindkilde ('47)
2-0 Aoba Fujino ('80)
Athugasemdir
