Breiðablik fór með öruggan sigur af hólmi gegn Stjörnunni í fyrsta leiknum í Lengjubikar kvenna í dag.
Agla María Albertsdóttir gerði þrennu, Karitas Tómasdóttir tvennu og voru þær Birta Georgsdóttir og Þórdís Hrönn Sigfúsdóttir með sitt hvort markið.
Lokatölur 7-0 fyrir Íslandsmeistara Breiðabliks.
Leikurinn var sýndur í beinni útsendingu á Stöð 2 Sport en Breiðablik ákvað að skipta um búninga í hálfleik.
„Ég veit ekki alveg ástæðuna fyrir því, hvort að dómurunum hafi fundist treyjurnar of líkar," sagði Helena Ólafsdóttir sem lýsti leiknum.
Breiðablik byrjaði leikinn í grænum treyjum en spilaði í hvítum í seinni hálfleik. Stjarnan spilaði leikinn í bláum búningum.
Athugasemdir