Liverpool 2 - 0 Everton
1-0 Mohamed Salah ('36)
2-0 Cody Gakpo ('49)
Liverpool er loksins komið aftur á sigurbraut í ensku úrvalsdeildinni eftir þrjú töp og eitt jafntefli í síðustu fjórum umferðum.
Liverpool mætti Everton í nágrannaslagnum mikla og var leikurinn nokkuð jafn í fyrri hálfleik. Everton byrjaði betur en Liverpool tók völdin eftir því sem tók að líða á leikinn.
Mohamed Salah kom Liverpool yfir með marki eftir frábæra skyndisókn þar sem Darwin Nunez spretti upp völlinn með boltann og gaf svo fyrir. James Tarkowski hafði skallað boltann í stöngina á hinum enda vallarins aðeins 15 sekúndum fyrr.
Cody Gakpo byrjaði leikinn og tvöfaldaði hann forystu heimamanna eftir glæsilega sókn í byrjun síðari hálfleiks. Sú sókn endaði með fullkominni sendingu frá Trent Alexander-Arnold og auðvelt fyrir Gakpo að klára af stuttu færi.
Liverpool var sterkari aðilinn í síðari hálfleik og komst nálægt því að gera þriðja markið en það gekk ekki upp.
Á lokakaflanum sauð allt uppúr eftir samskipti Jordan Pickford og Andy Robertson, þar sem Conor Coady og fleiri gerðu úlfalda úr mýflugu. Það var mikið um rifrildi á milli manna og meðal annars var Amadou Onana brjálaður út í Kostas Tsimikas í átökunum þrátt fyrir að hvorugur þeirra hafi verið inná vellinum þegar þau áttu sér stað.
Liverpool er með 32 stig eftir 21 umferð, níu stigum frá Newcastle í Meistaradeildarsæti en með leik til góða.
Everton er áfram í fallsæti, með 18 stig eftir 22 umferðir.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 36 | 25 | 8 | 3 | 83 | 37 | +46 | 83 |
| 2 | Arsenal | 36 | 18 | 14 | 4 | 66 | 33 | +33 | 68 |
| 3 | Newcastle | 36 | 20 | 6 | 10 | 68 | 45 | +23 | 66 |
| 4 | Man City | 36 | 19 | 8 | 9 | 67 | 43 | +24 | 65 |
| 5 | Chelsea | 36 | 18 | 9 | 9 | 62 | 43 | +19 | 63 |
| 6 | Aston Villa | 36 | 18 | 9 | 9 | 56 | 49 | +7 | 63 |
| 7 | Nott. Forest | 36 | 18 | 8 | 10 | 56 | 44 | +12 | 62 |
| 8 | Brentford | 36 | 16 | 7 | 13 | 63 | 53 | +10 | 55 |
| 9 | Brighton | 36 | 14 | 13 | 9 | 59 | 56 | +3 | 55 |
| 10 | Bournemouth | 36 | 14 | 11 | 11 | 55 | 43 | +12 | 53 |
| 11 | Fulham | 36 | 14 | 9 | 13 | 51 | 50 | +1 | 51 |
| 12 | Crystal Palace | 36 | 12 | 13 | 11 | 46 | 48 | -2 | 49 |
| 13 | Everton | 36 | 9 | 15 | 12 | 39 | 44 | -5 | 42 |
| 14 | Wolves | 36 | 12 | 5 | 19 | 51 | 64 | -13 | 41 |
| 15 | West Ham | 36 | 10 | 10 | 16 | 42 | 59 | -17 | 40 |
| 16 | Man Utd | 36 | 10 | 9 | 17 | 42 | 53 | -11 | 39 |
| 17 | Tottenham | 36 | 11 | 5 | 20 | 63 | 59 | +4 | 38 |
| 18 | Ipswich Town | 36 | 4 | 10 | 22 | 35 | 77 | -42 | 22 |
| 19 | Leicester | 36 | 5 | 7 | 24 | 31 | 78 | -47 | 22 |
| 20 | Southampton | 36 | 2 | 6 | 28 | 25 | 82 | -57 | 12 |
