Brynjar Hlöðversson, reynslumikill leikmaður Leiknis R., gerði mistök í 5-2 sigrinum á Fram í Lengjudeildinni á laugardag.
Í leiknum lét hann frá sér orðin: „Ertu geðsjúkur". Hann sá hins vegar um leið að hann gerði slæm mistök og baðst afsökunar. Brynjar deilir þessu sjálfur á samfélagsmiðlinum Twitter.
„Í fótboltaleik áðan sagði ég í hita leiksins "ertu geðsjúkur?" Sá strax eftir því og baðst afsökunar. Ekki í lagi," skrifar Brynjar.
Ljónvarpið, sem er hlaðvarp um Leikni, skrifar undir færsluna: „Bókstaflega strax! Upphátt, til allra innan 200 metra radíuss. Ekki bara "strax eftir leik". Takk fyrir það."
Hér að neðan má sjá færsluna.
Í fótboltaleik áðan sagði ég í hita leiksins "ertu geðsjúkur?"
— Brynjar Hlöðversson (@BinniHlo) July 11, 2020
Sá strax eftir því og baðst afsökunar.
Ekki í lagi.
Athugasemdir