Sóknarmaðurinn Jozhua Zirkzee með heimsmeistaranum í Formúlu 1, Max Verstappen.
Enska úrvalsdeildin byrjar næsta föstudag og spennan er farin að magnast.
Kunnuleg andlit snúa aftur á völlinn í deild þeirra bestu en við fáum líka að sjá nokkur ný andlit í þessari uppáhalds deild okkar Íslendinga.
Kunnuleg andlit snúa aftur á völlinn í deild þeirra bestu en við fáum líka að sjá nokkur ný andlit í þessari uppáhalds deild okkar Íslendinga.
BBC tók saman lista yfir tíu leikmenn sem eru að koma nýir inn í deildina og verður gaman að fylgjast með.
Listinn er í engri sérstakri röð.
Savio (Manchester City) - Savinho, betur þekktur sem Sávio, er tvítugur vængmaður sem átti frábært tímabil með Girona á síðustu leiktíð. Hann skoraði 11 mörk og gaf 10 stoðsendingar í öllum keppnum er Girona kom sér í Meistaradeild Evrópu í fyrsta sinn í sögu félagsins.
Niclas Füllkrug (West Ham) - Þýski framherjinn kemur til West Ham fyrir 27.5 milljónir punda og skrifar hann undir fjögurra ára samning við Lundúnafélagið. Fullkrug fór til Dortmund í fyrra frá Werden Bremen en þá var West Ham einnig á eftir honum. Hann er 31 árs og skoraði 15 mörk í 43 leikjum fyrir Dortmund á síðustu leiktíð.
Lucas Bergvall (Tottenham) - Svíinn var nálægt því að ganga í raðir Barcelona á Spáni. Barcelona fékk 8,5 milljóna punda tilboð samþykkt og hafði leikmaðurinn skoðað aðstæður á Spáni, en valdi frekar að fara til Tottenham. Spennandi miðjumaður sem er bara 18 ára gamall.
Jake O'Brien (Everton) - Írskur miðvörður sem var keyptur frá Lyon fyrir 17 milljónir punda. Þessi 23 ára gamli varnarmaður fór í óvænt ævintýri til Frakklands á síðasta ári frá Crystal Palace. Hann gerði flotta hluti með Lyon á eina tímabili sínu þar en hann gerði fjögur mörk í 27 deildarleikjum.
Nikola Milenkovic (Nottingham Forest) - Þessum 26 ára Serba er ætlað að fylla skarð miðvarðarins Moussa Niakhate sem var seldur til Lyon í Frakklandi. Milenkovic á 56 landsleiki fyrir Serbíu og lék alla leiki liðsins á nýafstöðnu Evrópumóti. Hann hóf feril sinn hjá Partizan í Belgrad.
Liam Delap (Ipswich) - Þessi 21 árs gamli enski sóknarmaður gekk ungur að árum til Man City frá Derby en hann kom við sögu í sex leikjum hjá City og skoraði eitt mark. Hann var á láni hjá Hull í Championship deildinni á síðustu leiktíð þar sem hann skoraði átta mörk í 31 leik.
Athugasemdir
