Margrét Magnúsdóttir lætur af starfi sem þjálfari U19 liðsins og tekur við Hæfileikamótun KSÍ og þjálfun U15 landsliðs kvenna. Samhliða þeim verkefnum mun Margrét einnig sinna starfi þjálfara U23 landsliðs kvenna.

„Mikil ánægja hefur verið með störf Margrétar hjá KSÍ og vill sambandið lýsa yfir ánægju sinni með það að Margrét taki þessi mikilvægu verkefni að sér," segir á heimasíðu KSÍ.

Þórður lætur af störfum sem þjálfari U16 og U17 kvenna. Þórður er margreyndur þjálfari og var m.a. landsliðsþjálfari U19 kvenna árin 2014-2021 ásamt því að vera aðstoðarþjálfari U16 og U17 kvenna á sama tímabili.

Eftir stendur, í framhaldi af þessum breytingum, að skipa þjálfara fyrir U16 og U17 landslið kvenna og eru þau mál í skoðun.

Guðni Þór ráðinn á skrifstofu KSÍ
Þá hefur KSÍ ráðið Guðna Þór Einarsson í starf á innanlandssviði á skrifstofu KSÍ og mun hann hefja störf 1. október næstkomandi. Meginverkefni eru umsjón með félagaskiptum leikmanna, skráning samninga leikmanna og utanumhald með leikmannalistum.

Guðni, sem hætti í vikunni sem þjálfari meistaraflokks kvenna hjá HK, mun einnig sinna ýmsum málum í tengslum við umsýslu móta, auk annarra tilfallandi verkefna.