Danska knattspyrnusambandið hefur úrskurðað Andre Riel, leikmann Lyngby, í fimm leikja bann í dönsku úrvalsdeildinni.
Riel fékk rautt spjald fyrir orð sem hann lét falla við andstæðing í leik gegn Sönderjyske á dögunum.
„Stattu upp, helvítis homminn þinn," sagði Riel við andstæðinginn þegar hann lá á vellinum.
Riel fékk í kjölfarið rautt spjald en hann endurtók orð sín á leiðinni út af vellinum.
Hinn þrítugi Riel verður nú í leikbanni í næstu fimm leikjum Lyngby í dönsku úrvalsdeildinni.
Athugasemdir