Nói Snæhólm Ólafsson lék allan leikinn þegar lið hans Syrianska vann 2-1 sigur gegn Jönköpings Södra í sænsku B-deildinni í kvöld.
Það skapaðist mikil dramatík undir lokin. Syrianska leiddi 1-0 nánast allan leikinn, en Jönköpings jafnaði á 89. mínútu. Sem betur fer fyrir Syrianska þá tókst þeim að svara strax og ná inn sigurmarki. Lokatölur 2-1.
Hinn 24 ára Nói er uppalinn í KR en hann lék þar þangað til á yngsta ári í 2. flokki. Hann hefur spilað í Svíþjóð síðan.
Á meðan Nói var í byrjunarliði og lék allan leikinn var Steeven Ribéry, yngri bróðir Franck Ribery á bekknum hjá Syrianska. Steeven leikur sem kantmaður og var eitt sinn á mála hjá Bayern München.
Með sigrinum í dag fer Syrianska upp í 13. sæti sænsku B-deildarinnar. Liðið er með 12 stig að loknum 13 leikjum.
89: 1-1: mååååååålllll Jakob Orlov
— Jönköpings Södra IF (@JSodra) June 14, 2019
90: 2-1: Maurizo Arbornoz
— Jönköpings Södra IF (@JSodra) June 14, 2019
Athugasemdir