Bergvin Fannar Helgason var hetja ÍR þegar lið liðið vann Fylki í Árbænum í kvöld þegar hann skoraði sigurmark ÍR en markið kom af vítapunktinum. Bergin Fannar sagði í viðtali eftir sigurinn á Grindavík að hann gæti ekki beðið eftir að pakka Árna Guðnasyni saman og hann stóð við þau orð.
„Við unnum alllaveganna og það var fyrir öllu og það er bara gaman að hafa smá banter í þessari deild." sagði Bergvin léttur
Lestu um leikinn: Fylkir 1 - 2 ÍR
„Þeir voru miklu meira með boltann en mér fannst þeir svosem ekkert skapa neitt mikið, þeir sköpuðu fín færi af og til en eingin svakalega og þetta var nokkuð jafn leikur þannig séð."
Fylkir komst yfir í leiknum og ÍR náði að koma til baka og fara með
stigin þrjú yfir í Breiðholtið og er liðið á toppi Lengjudeildarinnar.
„Þetta var bara geðveikt og skipti öllu máli. Tilfinningin var að við vorum alltaf að fara skora í þesum leik og eftir að fyrsta kom þá var seinna alltaf möguleiki."
Það var mikill hiti undir lokin og Guðni Páll Kristjánsson dómari leiksins gaf fjögur rauð spjöld undir lokin í Árbænum í kvöld. Emil Ásmundsson og Árni Freyr Guðnason fengu rautt hjá Fylki og Ívan Óli Santos hjá ÍR. Tveimur mínútum síðar fékk fyrirliðin Ragnar Bragi Sveinsson að líta rautt spjald eftir stutt horn hjá ÍR
„Ég sá nú ekki alveg hvað gerðist þegar hann gaf nokkur rauð en ég ætla aðeins að verja minn gamla þjálfara (Árna Frey Guðnason) en ég er ekki viss um að hann hefði átt að fá rautt spjald en Emil já, 100% og Ragnar Bragi 1000%, þetta var bara líkamsárás."
ÍR er á toppi Lengjudeildarinnae þegar tímabilið er hálfnað og var Bergvin spurður hvort Breiðholtið væri farið að láta sig dreyma.
„Við hugsum bara um næsta leik, gamla góða en stuðningsmennirnir mega dreyma eins og þeir vilja."
