Fylkir tók á móti ÍR í kvöld þegar ellefta umferð Lengjudeildarinnar hélt áfram göngu sinni.
Lestu um leikinn: Fylkir 1 - 2 ÍR
„Mikil vonbrigði, við vorum ekki nógu góðir" sagði Árni Freyr Guðnason þjálfari Fylkis svekktur eftir tapið í kvöld.
„Við settum leikinn í hendurnar á þeim. Þeir vilja spila svona fótbolta þar sem að er svolítill barningur og gerðu það bara vel og eru góðir í því"
„Við vorum litlir í okkur og náðum ekki að höndla svona barning og misstum gjörsamlega hausinn í lokin og töpuðum bara leiknum"
Rauðu spjöldin fóru á flug undir lok leiks en hvað gekk á?
„Mér fannst vera búin að ná ró á allt þarna en Hrafn fer úr axlarlið eða virðist fara úr axlarlið og einhvernveginn verður svona múgæsingur. Einhver æsingur hjá okkur og við stoppum þetta og stillum til friðar"
„Svo allt í einu er línuvörðurinn hinumeginn sem er einhverja 70 metra frá þessu fer að skipta sér af því að einhver hafi staðið upp á bekknum og rekur mann útaf úr sitthvoru liðinu sem eru ekki þáttakendur í leiknum og þegar hann rekur Emil útaf þá stoppa ég hann og tek eitthvað svona aðeins í öxlina á honum og segi 'afhverju ertu að reka hann útaf?' og þá rak hann mig bara útaf. Meira veit ég ekki"
Þetta var þó ekki eina rauða spjaldið í leiknum því stuttu seinna fær ÍR horn sem þeir taka stutt og ætla að skýla við hornfánan en Ragnar Bragi fyrirliði Fylkis fer þá aftan í leikmann ÍR og fær að líta rautt spjald. Dýrt fyrir Fylkismenn að missa tvo leikmenn í leikbann.
„Algjörlega og bara agaleysi að fara harkalega í hann út í horn. Það skipti engu máli hvort hann hafi farið óvart eða ekki. Það er bara pjúra rautt spjald og bara agaleysi"
Nánar er rætt við Árna Freyr Guðnason í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍR | 12 | 7 | 4 | 1 | 21 - 8 | +13 | 25 |
| 2. Njarðvík | 12 | 6 | 6 | 0 | 30 - 12 | +18 | 24 |
| 3. HK | 12 | 7 | 3 | 2 | 24 - 13 | +11 | 24 |
| 4. Þróttur R. | 12 | 6 | 3 | 3 | 23 - 20 | +3 | 21 |
| 5. Þór | 12 | 6 | 2 | 4 | 28 - 19 | +9 | 20 |
| 6. Keflavík | 12 | 5 | 3 | 4 | 25 - 18 | +7 | 18 |
| 7. Grindavík | 12 | 4 | 2 | 6 | 28 - 36 | -8 | 14 |
| 8. Völsungur | 12 | 4 | 2 | 6 | 18 - 27 | -9 | 14 |
| 9. Fylkir | 12 | 2 | 4 | 6 | 16 - 20 | -4 | 10 |
| 10. Selfoss | 12 | 3 | 1 | 8 | 13 - 25 | -12 | 10 |
| 11. Fjölnir | 12 | 2 | 3 | 7 | 14 - 27 | -13 | 9 |
| 12. Leiknir R. | 12 | 2 | 3 | 7 | 12 - 27 | -15 | 9 |
