Lestu um leikinn: Breiðablik 4 -  1 Santa Coloma

Blikar lentu mjög óvæt undir með frábæru marki langt fyrir utan teig, var það mikið sjokk?

"Nei nei það er ekkert sjokk það er bara eins og það er, þú getur ekki haldið að þú farir í gegnum hvern einasta leik án þess að fá á þig mark, menn hafa áður fengið á sig mark og menn rífa sig bara upp. Mér fannst við svara því vel og mér fannst við spila betur í stöðunni 0-1 frekar en 0-0"

Fyrri hálfleikurinn var nokkuð strembinn fyrir Blikana, hvað mátti betur fara þar?

"Við hefðum kannski mátt spila hraðar, spila meira fram á við og gera meiri árásir á varnarlínuna þeirra og ekki gefa þeim mörg tækifæri á að stilla sér upp í 4-4-2 varnarlega, vera bara aðeins fljótari að hlutunum og horfa eftir réttu svæðunum. Við byrjuðum seinni hálfleikinn þannig þar sem við ráðumst í svæðin og spilum fram á við sem skorti smá í fyrri hluta fyrri hálfleiks en síðan var þetta bara flott"

Næsti leikur Blika er strax á sunnudaginn gegn Keflavík í Keflavík þar sem að Blikar töpuðu í bikarnum og í deildinni.

"Það er auðvitað bara stór leikur við töpuðum þar tvisvar í fyrra, okkur fannst við spila vel og skapa fullt af færum en við þurfum auðvitað að búast við hörkuleik, Keflavík er á miklu skriði búnir að spila vel undandarið og það er bara okkar að mæta þangað og vera klárir að spila eins og menn og leggja allt sem við eigum í þann leik og eitthvern veginn gleyma evrópu í smá tíma"

Í lokin langaði undirrituðum að spyrja hvort Óskar hefði áhuga að kaupa Kjartan Kára Halldórsson, leikmann Gróttu sem er 19 ára gamall og kominn með 12 mörk í 12 leikjum í Lengjudeildinni en Óskar þekkir hann auðvitað frá tíma sínum hjá Gróttu.

"Kjartan Kári er góður og efnilegur leikmaður en hann er ekki að koma í glugganum til okkar"

Viðtalið má sjá í heild sinni hér fyrir ofan.