Staðan í leik Englands og Spánar er markalaus nú þegar hefur verið flautað til loka fyrri hálfleiks.

Leikurinn hefur meira og minna verið eign Spánverja. En það er allt eftir leikskipulagi Englendinga sem hafa legið aftur og leyft spænska liðinu að halda í boltann.

Spænska liðið hefur fengið nokkur hálf færi. Skalli framhjá markinu eftir hornspyrnu og þá kom John Stones til bjargar er Nico Williams reyndi skot.

Englendingar hafa nokkrum sinnum fengið að sækja hratt upp en ekki nýtt það nægilega vel. Besta færi þeirra átti Phil Foden er hann fékk boltann á fjærstöng eftir aukaspyrnu en boltinn beint á Unai Simon í markinu.

Vonandi að síðari hálfleikurinn verði skemmtilegri en sá fyrri.

Fótbolti.net er með beina textalýsingu frá leiknum