Lestu um leikinn: Spánn 2 -  1 England

Staðan var 1-1 þegar fjórar mínútur voru eftir. Oyarzabal, sem er leikmaður Real Sociedad, hafði komið inn á sem varamaður fyrir Alvaro Morata tuttugu mínútum áður.

Á 86. mínútu fékk Oyarzabal boltann, sendi hann út á Marc Cucurella sem kom með hárnákvæma sendingu inn í teiginn á Oyarzabal sem náði að renna honum framhjá Jordan Pickford í markinu.

Magnað augnablik sem kom Spánverjum í sögubækurnar en engin þjóð hefur unnið mótið oftar.