Það styttist óðum í leik Íslands og Belgíu í Þjóðadeildinni.
Íslenska liðið hefur síðustu mínútur verið að hita upp fyrir leikinn á Laugardalsvelli.
Erik Hamren, landsliðsþjálfari, Freyr Alexandersson, aðstoðarþjálfari, og aðrir starfsmenn íslenska landsliðsins voru settir í sóttkví í gær eftir að Þorgrímur Þráinsson, starfsmaður landsliðsins, greindist með kórónuveiruna.
Erik og Freyr fylgjast með leiknum í kvöld úr glerbúri efst á Laugardalsvelli.
Arnar Þór Viðarsson, þjálfari U21 landsliðs karla, og Davíð Snorri Jónasson, þjálfari U17 landsliðs karla, stýra liðinu. Í upphitun brá Arnar sér í hlutverk Englendingsins Tom Joel, styrktar- og þolþjálfara landsliðsins sem sér vanalega um að hita leikmenn upp.
Meðfylgjandi eru myndir sem Hafliði Breiðfjörð, ljósmyndari Fótbolta.net, tók.
Smelltu hér til að fara í beina textalýsingu.
Athugasemdir