„Maður tók alveg eftir því þegar maður var 13 ára að maður var kominn með óvenjulegan fótboltaheila," sagði Orri Steinn í útvarpsþættinum Fótbolti.net síðasta laugardag.

„Hann var búinn að heilaþvo mig á góðan hátt. Það er eitthvað sem ég nýtti mér, að taka hluti frá honum. Þegar ég var 13 ára kom ég upp í meistaraflokk og var skrefi á undan leikmönnunum."

Orri Steinn var ungur byrjaður að spila með meistaraflokki Gróttu en hann var nýverið keyptur til Real Sociedad á Spáni fyrir metfé. „Það er endalaust talað um fótbolta og þannig er það enn. Það er geggjað skemmtilegt," sagði Orri.